Psa 97 | ZomZIV | STEP | TOPA in uk hi, leitung kipak henla; a gamla-a tuipi geite nuam uh hen.

Psalms 97

1 TOPA in uk hi, leitung kipak henla; ^a
a gamla-a tuipi geite nuam uh hen. ^b
2 Meiipite le khuamial sahpi in amah umcih a; ^c
ama tokhom bulpi in thumaanna le thutang ahi hi. ^d
3 Ama mai-ah meikuang pai-a, ^e
a kim a pama galte a kangtum hi. ^f
4 A khuaphiate in leitung taana, ^g
leitung in mu-in a ling hi.
5 TOPA, leitung khempeuh Topa mai-ah ^h
khuainun bangin mual liante a tuisuak hi. ⁱ
6 Vante in a thumaanna tangko uh a, ^j
ama minthanna mi khempeuh in mu uh hi. ^k
7 Bawltawm milim bia a milimte a kisakheihpih khempeuh
kimaizumsak ding hi - ^l
no pasiante khempeuh aw amah bia un!
8 TOPA aw, na thukhennate
Zion in za-in nuam a, ^m
Judah khuaneute a kipak uh hi. ⁿ
9 Ahang in, TOPA aw, leitung khempeuh tungah nang Sang Penpa na hi-a; ^o
pasiante khempeuh tung pekah hong kitawisang hi. ^p
10 TOPA in ama tunga muanhuaite kemin ^q
migilote khut panin amaute hukhia ahi manin
amah a itte in gitlohna mudah uh hen. ^r
11 A thumaante khuavak in taan a, ^s
a lungsima a thutangte lungnopna in a taan hi. ^t
12 No a thumaante aw, TOPA sungah lungdam unla ^u
ama min siangtho phat un.